فاصلے چھوڑ کے کدھر آتے
موڑ تھکتے تو پھِر کے گھر آتے
نیکیاں کچھ تو ہم بھی کر آتے
اَشک آنکھوں میں جو اُبھر آتے
شور ذرات بن کے جب بکھرا
کاش سینے کے چاک بھر آتے
حبسِ دوراں بہت کڑا ہے یا رب
ہوا کے دوش پہ بال و پر آتے
ظلم کے بن کا ہے عجب عالم
بن کے انسان جان ور آتے
کاش ہوتی ہمیں بھی فرصت سی
ہم ہی لمحوں کے گھر ٹھہر آتے
بات کرتے ہوئے بھی چپ سے تھے وہ
لفظ کچھ ہم ہی لب پہ دھر آتے
گر اجالوں میں ڈھل نہ پائے تھے
شب کی چادر میں ہم سنور آتے
اُن خیالات کی ہے بات الگ
کاش اک بار چشم تر آتے
دل کا صفحہ بھی صاف ہی ملتا
اس کی فہرست میں اگر آتے
دل کا اخبار ہے عجب جس کی
سرخیوں میں وہ نام ور آتے
اس کی فطرت ہے کچھ گرم خو سی
برف سورج میں جا کے بھر آتے
دھڑکنیں گر وہ سن نہ پائے تھے
دل کے دامن میں چھید کر آتے
ہم سناتے نہ حالِ دل احمد
خم جو پیشانی پر نظر آتے
