کپڑے مرے حسین ع کے بنوا کے لے گیا
جبریل رب کی مرضیاں آ آ کے لے گیا
آیا فلک سے روٹیاں لینے کو کس لیے؟
لنگر مرے حسین ع کا منگوا کے لے گیا
اور ماتمی حسین ع کا اتنا ھے لاڈلا
قسمت مرے حسین ع سے لکھوا کے لے گیا
جنت کو اِس قدر کیا سستا حسین ع نے
حُر آکے اپنی جھولی کو پھیلا کے لے گیا
فطرس پروں بغیر بہت ہی اُداس تھا
آ کر حسین ع سے نئے بنوا کے لے گیا
آئی ندا نصیب میں بیٹے نہیں ترے
راہب مرے حسین ع سے لکھوا کے لے گیا
جس کو کہیں سے کچھ نہ ملا باخدا بتول!
آیا درِ حسین ع سے وہ آ کے لے گیا
