نُصیریوں کا خدا ہو تو کوئی بات کروں

نُصیریوں کا خدا ہو تو کوئی بات کروں

یہ طُور پھر سے سجا ہو تو کوئی بات کروں

علی ع علی ع ھے مرا ورد ہر گھڑی لوگو !

مری نماز __ قضاء ہو تو کوئی بات کروں

بہت عجیب سا منظر تھا سامنے تھے علی ع

یہ خواب بھول چکا ہو تو کوئی بات کروں

پڑھوں میں نادِ علی ع ایلیاء ! مدد کے لیے

معناََ تُو پاس کھڑا ہو تو کوئی بات کروں

مرے سکوت پہ حیرت زدہ سا ھے یہ جہاں

علی ع علی ع کی صدا ہو تو کوئی بات کروں

میں خاکِ کرب و بلا میں بکھر بکھر جاؤں

قبول آج دعا ہو تو کوئی بات کروں

میں یاد کرتی ہوں ہر پل غدیر کا منظر

علی ع نے یاد کیا ہو تو کوئی بات کروں

پیام بھیج رہی ہوں ہوا کے ہاتھ مگر

نجف کا اِزن ملا ہو تو کوئی بات کروں

مجھے علی ع کے سوا کچھ نظر نہیں آتا

کوئی علی ع کے سوا ہو تو کوئی بات کروں

لحد میں آئے فرشتے تو کہہ دیا __جاؤ

مجھے علی ع نے کہا ہو تو کوئی بات کروں

بسا لوں دل میں علی ع کے سوا کسی کو مگر

بتول! اِس میں جگہ ہو تو کوئی بات کروں