عاشقی راستے میں چھوڑ گیٔ

فاخرہ بتول03 فروری 2017غزل0815

عاشقی راستے میں چھوڑ گئی
بےکلی راستے میں چھوڑ گئی

تیرگی نے دیا ھے ساتھ سدا
روشنی راستے میں چھوڑ گئ

ھم ترے بعد جی تو لیتے مگر
زندگی راستے میں چھوڑ گئ

دل کی اُسکو خبر سُنا نہ سکے
بےدلی راستے میں چھوڑ گئی

کون روکے، سوال کون کرے
خود سری راستے میں چھوڑ گئی

دل لگانے کا آ گیا ھے ہُنر
دل لگی راستے میں چھوڑ گئی

منزلوں کا جنون ہار گیا
سرپھری راستے میں چھوڑ گئی

جا کے منزل پہ کیا کریں گے بتول!
ہر خوشی راستے ميں چھوڑ گئی

فاخرہ بتول

فاخرہ بتول نقوی ایک بہترین شاعرہ ہیں جن کا زمانہ معترف ہے۔ فاخرہ بتول نے مجازی اور مذہبی شاعری میں اپنا خصوصی مقام حاصل کیا ہے جو بہت کم لوگوں کو نصیب ہوتا ہے۔ فاخرہ بتول کی 18 کتب زیور اشاعت سے آراستہ ہو چکی ہیں جو انکی انتھک محنت اور شاعری سے عشق کو واضح کرتا ہے۔ فاخرہ بتول کو شاعری اور ادب میں بہترین کارکردگی پر 6 انٹرنیشنل ایوارڈز مل چکے ہیں۔

عاشقی راستے میں چھوڑ گیٔ

کعبے کا یہ کعبہ ہے کہ تصویر جلی ہے

جو حاجت روا ہے، جو نور خدا ہے

اب کہاں سانحہ نہیں ھوتا؟

فاخرہ بتول